काठमाडौं। राष्ट्रिय खेलकुद परिषद्का उपाध्यक्ष पिताम्वर तिम्सिना र नेपाल ओलम्पिक कमिटिका सदस्य तेज गुरुङ सोमवार दिल्ली प्रस्थान गरेका छन् । अन्तार्राष्ट्रिय एयरपोर्टमा उपाध्यक्ष तिम्सिना र एनओसी सदस्य गुरुङलाई राष्ट्रिय खेलकुद परिषद्अन्तर्गत प्रचार प्रसार शाखाका प्रमुख दुर्गाप्रसाद दुलालले बिदाई गरे ।

सो अवसरमा अपाध्यक्ष तिमिल्सिनाले भने, ‘राष्ट्रिय खेलकुद परिषद् १३ औं दक्षिण एशियाली खेलकुद (साग) को तयारीको चटारोमा छ । निर्माण ब्यावसायी कम्पनीहरुले बोलपत्रबाट सम्झौता गरेर भिआईपी प्याराफिटको काम गर्दै छन् । हामी बन्दै गरेको सामाग्रीको गुणस्तर, तोकिएको सामाग्रीको अवस्था र निरक्षणलगायतका विषयमा बुझ्न हामी जान लागेका हौं ।’

सामाग्रीको अवस्था बुझ्न दिल्लीलगायत बैंगलारु र लखनउ पनि जाने कार्यक्रम रहेको जानकारी गराउदै उपाध्यक्ष तिम्सिनाले काम सम्पन्न भएका सामाग्रीको तत्काल डेलिभरीका सम्बन्धमा पनि कुरा गर्ने बताए ।

सदस्य गुरुङले ओलम्पिकले बिग्रिएको सम्वन्धलाई खेलको माध्यामबाट समुधार बनाउने बताउदै खेलपदाधिकारी, भारतीय ओलम्पिक कमिटिलाई हामी तयारीमा छौं भन्ने सन्देश दिने छौं । नेपाल ह्यान्डबल संघका अध्यक्ष समेत रहेका गुरुङले नेपाली ह्यान्डबल खेलाडीलाई भारतमा सागको प्रशिक्षणको व्यवस्थाका लागि समेत कुराकानी अगाडि बढाउने बताए ।