एजेन्सी । भारतीय युवतीसँग विवाह गर्न लागेका पाकिस्तानी तीव्र गतिका बलर हसन अलीले भारतीय क्रिकेटरलाई निमन्त्रणा गर्ने बताएका छन् ।

यही सेप्टेम्बरमा दुबईमा हुने विवाह समारोहमा भारतीय क्रिकेटरहरुलाई आमन्त्रित गर्न चाहेको सञ्चारमाध्यमहरुले जनाएका छन् । यद्दपि हसनले आफ्नो निमन्त्रणाको सूचीमा को–को भारतीय क्रिकेटर छन्, त्यसको बारेमा खुलासा भने गरेका छैनन् ।

हसनले आफ्नो विवाहमा भारतीय क्रिकेटरहरु आउन चाहेको खण्डमा आफू निकै खुशी हुने बताएका छन् । दुबईमा हुने मेरो विवाह समारोहमा केही भारतीय क्रिकेटर आए भने आफूखुशी हुने हसनले बताए ।

हसनले दुबईको इमिरेट्स एयरलाइन्सकी फ्लाइट इञ्जिनियर शामिया आरजूसँग विवाह गर्दैछन् । भारतीय मूलकी युवतीसँग विवाह गर्ने हसन अली चौथो पाकिस्तानी बन्नेछन् । यसअघि जहीर अब्बास, मोहसिन खान र शोएब मलिकले भारतीय मूलकी युवतीसँग विवाह गरिसकेका छन् ।