काठमाडौँ । दक्षिण अफ्रिकाका पुर्व खेलाडी एबी डिभिलीयर्सले इङल्याण्डमा जारी टी-२० कपमा आक्रामक पारी खेलेका छन् । एबीले मिडलसेक्सबाट खेल्दै समरसेटविरुद्ध ३५ बलमा ८८ रनको आक्रामक पारी खेलेका छन् ।

मिडलसेक्सले पहिला ब्याटिंग गर्दै एबीको ८८ रनको मद्धतले २१५ रन बनाएको थियो भने समरसेटले केबल १८० रन बनाउदा सबै विकेट गुमाएपछि खेल मिडलसेक्सले ३५ रनले जित्यो ।

एबीले ३५ बलमा केबल एक चौका प्रहार गरे भने ९ छक्का प्रहार गरेका थिए । उनले यसै प्रतियोगितामा यस अघि एससेक्सविरुद्ध पनि ८८ रनको पारी खेलेका थिए ।

योसंगै एबीको टी-२० क्रिकेटमा ८ हजार रन समेत पुरा भएको छ । उनले २९१ टी-२० खेल्दै ८०२७ रन बनाएका छन् । जसमा ४ शतक र ५५ अर्धशतक सामेल छन् । उनको टी-० मा औसत ३७ रन रहेको छ ।