एण्डरसनले दोस्रो टेष्ट गुमाउने

डिसी नेपाल
२१ साउन २०७६ १६:५१

एजेन्सी । इंग्ल्याण्डका बलर जेम्स एण्डरसनले घरेलु भूमिमा जारी एसेज सिरिज अन्तर्गतको दोस्रो टेष्ट गुमाउने भएका छन् ।

पहिलो टेष्टको दौरान चोट बोकेका तीव्र गतिका बलर एण्डरसनले दोस्रो टेष्ट गुमाउने भएका हुन् । उनले दाहिने खुट्टाको पिडुलाको चोट बोकेका थिए । उनले बाँकी टेष्ट खेल्ने नखेल्ने अनिश्चित बनेको छ ।

एण्डरसनले चोट बोकेसँगै पहिलो टेष्ट गुमाएको इंग्ल्याण्डलाई ठुलो धक्का लागेको छ । एण्डरसनले एज्बास्टनमा भएको पहिलो टेष्टको पहिलो दिन ४ ओभरमात्र बलिङ गरेका थिए । त्यसपछि उनको पिडुलामा समस्या आएको थियो ।

पाहुना टोलीविरुद्धको दोस्रो टेष्ट अगष्ट १४ देखि १८ सम्म लर्ड्समा हुनेछ ।

इंग्ल्याण्डले उनको स्थानमा जोफ्रा आर्चरलाई ल्याउने सम्भावना रहेको छ ।




प्रतिक्रिया

Leave a Reply

Your email address will not be published. Required fields are marked *