काठमाडौं । बुधबार साँझ दिल्लीको तापक्रम ५२.९ डिग्री पुगेको मिडिया रिपोर्टमा आएको थियो । यो देशमा अहिलेसम्मकै उच्च तापक्रम भएको बताइएको छ ।

तर, मौसम विभाग र विज्ञान मन्त्रालयले दिल्लीको तापक्रम यति उच्च थियो वा थिएन भन्ने विषयमा विज्ञप्ति जारी गर्दै यस तथ्याङ्कको पछाडि सेन्सरको खराबी हुन सक्ने सम्भावना व्यक्त गरेको छ ।

विज्ञप्तिमा मंगेशपुरको तापक्रम ५२ दशमलव ९ डिग्री रेकर्ड हुनुमा सेन्सरको खराबी पनि एउटा कारण हुनसक्ने उल्लेख छ । मौसम विभागले सेन्सर र डाटा जाँच गरिरहेको छ।

विज्ञप्तिमा भनिएको छ- “वर्ष २०२२ मा मौसम विभागले स्वचालित मौसम स्टेशनहरू स्थापना गरेको थियो र यी स्टेशनहरू १५ नयाँ स्थानमा स्थापना गरिएको थियो। यसबाहेक ५ वटा विभागीय पर्यवेक्षकहरु छन् । मे २९, २०२४ मा यी वेधशालाहरू र १५ स्वचालित मौसम स्टेशनहरूमा तापमान ४५.२ डिग्रीदेखि ४९.१ डिग्री थियो।”

“मंगेशपुरमा ५२ दशमलव ९ डिग्री तापक्रम रेकर्ड गर्नु बिल्कुलै फरक कुरा हो। सेन्सरको खराबीका कारण यस्तो भएको हुन सक्छ वा तापक्रम बढ्नुको कारण स्थानीय तत्व पनि हुनसक्छ। मौसम विभागले यसबारे अनुसन्धान गरिरहेको छ।”