काठमाडौं । वरिष्ठ अमेरिकी डेमोक्रेटिक नेता बर्नी स्यान्डर्सले इजरायलका प्रधानमन्त्री बेन्जामिन नेतान्याहुलाई युद्ध अपराधी भनेका छन् ।

स्यान्डर्सले नेतन्याहुलाई अमेरिकी कांग्रेसको संयुक्त बैठकमा बोलाउन नहुने बताएका छन् । स्यान्डर्सले आफू पनि कांग्रेसको संयुक्त बैठकमा सहभागी नहुने बताएका छन् ।

स्यान्डर्सले सोशल मिडिया प्लेटफर्म एक्समा एक थ्रेड पोस्ट गरेका छन्। उनले भने, “नेतन्याहु युद्ध अपराधी हुन् र कांग्रेसको संयुक्त बैठकमा बोलाउनु हुँदैनथ्यो। म यो सत्रमा भाग लिइरहेको छैन।”

“इजरायलसँग हमासको आक्रमणबाट आफूलाई बचाउने अधिकार छ, तर त्यो अधिकारले तपाईंलाई प्यालेस्टिनीहरू विरुद्ध युद्ध गर्न अनुमति दिँदैन।”

“इजरायलसँग ३४,००० प्यालेस्टिनीहरूलाई मार्ने अधिकार छैन। तपाईंसँग १९,००० बालबालिकालाई मार्ने अधिकार छैन। तपाईंसँग गाजाको स्वास्थ्य प्रणालीलाई नष्ट गर्ने अधिकार छैन। तपाईंले ४०० भन्दा बढी स्वास्थ्यकर्मीहरूलाई मार्न सक्नुहुन्न।” स्यान्डर्सले भने।

“इजरायलले गाजामा मानवीय सहायता रोक्न सक्दैन। यो अमेरिका र अन्तर्राष्ट्रिय कानूनको उल्लङ्घन हो। अन्तर्राष्ट्रिय फौजदारी अदालतले नेतान्याहू र हमास नेता याह्या सिनवार विरुद्ध गिरफ्तारी वारेन्ट जारी गरेको छ। ती दुवैले अन्तर्राष्ट्रिय कानून तोडेका छन्।”

अमेरिकी कंग्रेसले नेतन्याहुलाई संयुक्त बैठकमा सहभागी हुन आमन्त्रण गरेको छ। हमासद्वारा सञ्चालित स्वास्थ्य मन्त्रालयका अनुसार अक्टोबर ७ यता इजरायली आक्रमणमा ३६,००० भन्दा बढी प्यालेस्टाइनीको मृत्यु भएको छ।