काठमाडौं । राष्ट्रपति भ्लादिमिर पुटिनले रुसविरुद्धको युद्धमा युक्रेनलाई हतियार उपलब्ध नगराउन दक्षिण कोरियालाई चेतावनी दिएका छन् ।

रुसविरुद्धको युद्धमा युक्रेनलाई हतियार दिएर दक्षिण कोरियाले ठूलो गल्ती गर्ने पुटिनले बताएका छन् ।

दक्षिण कोरियाले रुस र उत्तर कोरियाबीचको नयाँ सम्झौतालाई ध्यानमा राख्दै युक्रेनलाई हतियार दिनेबारे सोचिरहेको बताएको छ । यसको प्रतिक्रिया दिँदै पुटिनले दक्षिण कोरियालाई चेतावनी दिएका हुन् ।

रुस र उत्तर कोरियाले अर्को देशसँग युद्ध हुँदा एक अर्कालाई सहयोग गर्ने सम्झौता गरेका छन् । यसको दक्षिण कोरियाले विरोध गरेको छ ।

यसअघि दक्षिण कोरियाले यो सम्झौतालाई राष्ट्रिय सुरक्षाका लागि खतरा भएको भन्दै निन्दा गरेको थियो । राष्ट्रिय सुरक्षा सल्लाहकार चाङ हो-जिनले आफ्नो देशले युक्रेनलाई हतियार उपलब्ध गराउने विषयमा पुनर्विचार गर्ने योजना बनाएको बताएका छन्।

पुटिनले बिहीबार भियतनाममा पत्रकारहरूलाई भने – यदि दक्षिण कोरियाले युक्रेनलाई हतियार आपूर्ति गर्ने निर्णय गर्छ भने, दक्षिण कोरियाको वर्तमान नेतृत्व रुसको निर्णयबाट खुसी हुनेछैन।”

पुटिनको टिप्पणी पछि, दक्षिण कोरियाको राष्ट्रपति कार्यालयले भनेको छ – युक्रेनलाई हतियार आपूर्तिको लागि “विभिन्न विकल्पहरू” विचार गर्नेछ र यसको अडान रूसले यस मुद्दालाई कसरी हेर्छ भन्नेमा निर्भर गर्दछ।