काठमाडौं। ९० को दशककी चर्चित नायिका विद्या सिन्हा मुम्बईको सिटी केयर अस्पतालमा भर्ना छिन् । उनको स्थिती निकै नाजुक बताइएको छ जसका कारण उनलाई भेन्टिलेटरमा राखिएको एक भारतीय मिडियाले जानकारी दिएको छ ।

एक वेबसाइटको रिपोर्ट अनुसार विद्या सिन्हालाई दुई दिनअघि निकै नाजुक स्थितीमा अस्पताल पु‌र्याइएको थियो । उनको फोक्सो र मुटुमा समस्या देखिएको अस्पतालले बताएको छ ।

नायिका विद्या सन् २००९ मा आफ्नो नीजि जीवनका कारण निकै चर्चामा आएकी थिइन् । त्यतिबेला उनले आफ्ना दोस्रो श्रीमान् नेताजी भीमराओ सालुंखेमाथि मानसिक र शारीरिक तनाव दिएको आरोप लगाएकी थिइन् । त्यसको केही दिन पछि नै उनीहरुको सम्बन्धविच्छेद भएको थियो । स्मरण रहोस्, विद्याले पहिलो विवाह आफ्ना छिमेकी एवं तमिल ब्राह्मण वेंकटेश्वर अय्यरसँग सन् १९६८ मा गरेकी थिइन् । दुबैले एक छोरी जान्ह्वीलाई अडप्ट गरेकी थिइन् र सन् १९९६ मा अय्यरको मृत्यु भएको थियो ।