काठमाडौं । इजरायलले दक्षिणी गाजाको खान युनिसको थप क्षेत्र खाली गर्न नयाँ आदेश जारी गरेको छ ।

इजरायल र हमासबीच जारी युद्धका क्रममा जारी गरिएको यो नयाँ आदेशका कारण हजारौं प्यालेस्टाइनीहरू भाग्न बाध्य हुनेछन्।

यी प्यालेस्टिनी गाजा सहरको मध्य, पूर्वी र पश्चिमी भागमा बसोबास गरिरहेका छन्। आदेशमा यी बासिन्दाहरूलाई युद्धको दृष्टिकोणले यी क्षेत्रहरू खतरनाक साबित हुन सक्ने बताइएको छ।

गाजाका २० लाखभन्दा बढी मानिसहरु विस्थापित भएको संयुक्त राष्ट्रसंघले जनाएको छ ।

यी मध्ये धेरै मानिसहरू बारम्बार विस्थापित हुन बाध्य भएका छन्।

शनिबार गाजाको एक विद्यालयमा इजरायली हमलामा धेरै प्यालेस्टिनीले ज्यान गुमाएका छन् । उनीहरू इजरायलीहरूले आक्रमण गरेका विद्यालयहरूमा शरण लिएका थिए।