एजेन्सी । बर्नली र ब्राईटनले इन्ग्लिश प्रिमियर लिग फुटबलको नयाँ सिजनमा विजयी सुरुवात गरेका छन् । शनिबार भएको खेलमा बर्नलीले साउथह्याम्पटनलाई ३–० गोल अन्तरले पराजित गर्यो । घरेलु मैदानमा बर्नलीलाई जित दिलाउन एस्ले बर्नेसले दुई गोल गरे । यस्तै जोहन गुड्मुडसनले एक गोल गरे ।

यस्तै ब्राईटनले वाट्फोर्डलाई ३–० गोल अन्तरले नै पराजित गर्यो । ब्राईटनले उसैको मैदानमा वाट्फोर्डलाई पराजित गरेको हो ।ब्राईटनको जितमा फ्लोरिन एण्डोने र निल माउपेले एक एक गोल गरे । एक गोल वाट्फोर्डका अब्दोउलाय डोउकोरेले आत्मघाती गोल गरे ।

इन्ग्लिश प्रिमियर लिग अन्तर्गत नै एभर्टन र क्रिस्टल प्यालेसले गोलरहित बराबरी खेलेका छन् । एभर्टन १० खेलाडीमा समेटिए पनि क्रिस्टलले गोल गर्न सकेन् । खेलको ७६ औं मिनेटमा मोर्गनले दोहोरो पहेलो कार्डसहित रातो कार्ड पाएका थिए ।

यस्तै बर्नेमाउथले नव प्रवेशी क्लब शेफिल्ड युनाईटेडसँग १-१ गोलको बराबरी खेल्दै अंक बाडेका छन् । बर्नेमाउथका क्रिस मेप्हमले गोल गरे । शेफिल्डका बिली शार्पले बराबरी गोल फर्काए ।