काठमाडौं। नागढुंगा नजिकै खसेको पहिरोका कारण मुग्लिङ–काठमाडौं सडक अझै अवरुद्व रहेको छ।

लगातारको वर्षा र पहिरोले नागढुंगा नजिक झ्याप्ले खोलामा खसेको पहिरो पन्छाउने नसकेपछि सडक अझै अवरुद्ध रहेको प्रहरीले जनाएको छ।

प्रहरीले पानी परिरहेको र पहिरो खसिरहेकाले पहिरो पन्छाउन समस्या भएको बताएको छ। वर्षा रोकिएपछि पहिरो पन्छाउन ३ देखि ४ घण्टा लाग्ने बताइएको छ।

बिहानै देखि सडक अवरुद्ध भएपछि अहिले दुवैतर्फ सवारी साधनको लामो लाइन देखिएको छ।