काठमाडौं । हिन्दी फिल्मका सुपरस्टार शाहरुख खान पहिलो पटक हुरुन इन्डिया रिच लिस्टमा परेका छन् ।

उनी हुरुन इन्डिया रिच लिस्ट २०२४ मा ५८ औं स्थानमा छन्। उनको कुल सम्पत्ति ७ हजार ३ सय करोड रुपैयाँ छ ।

यो सूचीमा बलिउडबाट जुही चावला, ऋतिक रोशन, करण जोहर र अमिताभ बच्चनको नाम पनि परेको छ ।

यो सूची अनुसार यी चलचित्रकर्मीहरुको सम्पत्ति विवरण यस्तो छ ।

शाहरुख खान र परिवार – ७३०० करोड

कम्पनी- रेड चिलीज, कोलकाता नाइट राइडर्स

जुही चावला र परिवार – ४,६०० करोड

नाइट राइडर्स स्पोर्टस

ऋतिक रोशन – २००० करोड

कम्पनी – एचआरएक्स

अमिताभ बच्चन र परिवार – १६०० करोड

रणनीतिक लगानी

करण जोहर – १४०० करोड

अडानी इन्टरप्राइजका मालिक गौतम अडानी र उनको परिवार हुरुन इन्डिया रिच लिस्ट २०२४ मा पहिलो स्थानमा छन्। यो वर्ष उनको सम्पत्ति ९५ प्रतिशतले बढेर उनको कुल सम्पत्ति ११,६१,८०० करोड रुपैयाँ पुगेको छ।

रिलायन्स इन्डस्ट्रिजका मालिक मुकेश अम्बानी २०२४ को हुरुन इन्डिया रिच लिस्टमा दोस्रो स्थानमा छन्, जसको सम्पत्ति १०,१४,७०० करोड रुपैयाँ छ।

एचसीएल टेक्नोलोजीका शिव नाडर र उनको परिवार यस वर्ष तेस्रो स्थानमा छन्। उनको सम्पत्ति ३ लाख १४ हजार करोड रुपैयाँ छ ।

भ्याक्सिन निर्माता सीरम इन्स्टिच्युट अफ इन्डियाका साइरस एस पूनावाला र उनको परिवार सूचीमा चौथो स्थानमा छन्।

पाँचौं स्थानमा सन फार्मास्युटिकल इन्डस्ट्रिजका मालिक दिलीप सांघवीको नाम छ ।