काठमाडौं। भान्टा धेरैको मनपर्ने तरकारी होइन, तर तपाईं र हामी मध्ये कोही हुनुहुन्छ जो बैंगन वा भान्टा खान मन पराउँछौं। भान्टा विभिन्न रंग र आकारमा उपलब्ध हुन्छ । यसमा प्रचुर मात्रामा पोषण तत्व पाइनुका साथै एन्टी अकसीकरणरोधी तत्व अकसीडेन्ट पनि पाइन्छ ।

भान्टालाई बिभिन्न तरीकाले पकाई परिकारहरु तयार पार्न सकिन्छ । यसलाई उमालेर, बाफीलो पारेर, तारेर, पिंधेर वा अचार बनाएर विभिन्न परिकार बनाउन सकिन्छ भर्था तरुवा चप आदी यसका प्रसिद्ध परिकार मानिन्छ ।

भान्टा खानुका धेरै फाइदा र बेफाइदाहरु छन् । जाडो मौसममा बैंगन खानु स्वस्थकर मानिन्छ । भान्टामा केही मात्रामा कार्वोहाइड्रेट तथा बोसो पनी पाइन्छ । भान्टा सेवनको ठूलो फाइदा प्रचुर मात्रामा एन्थो साइनीन जस्तो प्रोभोनाइट जस्ता अबयब हुने हुँदा तरकारीमा विशेष रंग उत्पन्न गराउँछ साथै विविध खाले स्वास्थ्य सम्बन्धि फाइदा प्रदान गराउँछ ।

यी पोषक तत्व वाहेक भान्टामा प्रचुर मात्रामा भिटामीन ए, भिटामीन सी, भिटामीन ई, भिटामीक के, नायसीन, फोलेट, भिटामीन वि ६, र कोलीन उपलब्ध हुने गर्दछ ।

पोटासियम, क्यालसीयम, आइरन, म्यागनेसियम, फोसफोरस, जिंक, कपर, म्याबगानीज सेलेनियम जस्ता खनीज तत्वहरु भान्टामा पाइन्छ।

भान्टाले ब्लड सुगरलाई नियन्त्रण गर्छ र मुटु रोगमा पनि फाइदाजनक हुन्छ तर सबैले बैंगन खान सक्दैनन् । वास्तवमा, केहि स्वास्थ्य समस्या भएका मानिसहरू भान्टा खानबाट टाढा रहनुपर्छ।

यस्ता समस्याबाट ग्रसित व्यक्तिले भान्टा खानु हुँदैनः

ग्यास र पेटको समस्याः भान्टाले ग्यास उत्पादन गर्ने काम गर्छ । त्यसैले ग्यास र पेटसम्बन्धी समस्या भएकाहरूले भान्टा खानबाट जोगिनुपर्छ ।

छालाको एलर्जीः शरीरमा छालाको कुनै एलर्जी छ भने आजबाटै बैंगनको तरकारीलाई बिदा दिनुहोस् । त्यो किनभने भान्टाले छालाको एलर्जी बढाउन सक्छ।

तनाव: कुनै पनि प्रकारको डिप्रेशनबाट पीडित व्यक्तिहरूले भान्टा खानु हुँदैन। किनभने धेरैजसो मानिस डिप्रेशनको औषधि सेवन गर्छन् र यस्तो अवस्थामा बैंगनले औषधीको प्रभावलाई हटाउँछ ।

एनीमियाः शरीरमा रगतको कमी छ भने भान्टाबाट टाढा रहनुपर्छ । किनभने भान्टाले शरीरमा रगत बन्ने प्रक्रियामा बाधा पुर्‍याउँछ।

आँखाको समस्याः यदि आँखामा जलन, एलर्जी र आँखा सुन्निने जस्ता समस्या छन् भने भान्टाको सेवन खतरनाक साबित हुन सक्छ। आँखाको यी समस्यामा बैंगन खाँदा समस्या बढ्न सक्छ ।

पाइल्सः निसलाई दिनदिनै रुवाउने सबैभन्दा ठूलो समस्या पाइल्स हो । पायल्सको अवस्थामा बैंगन खानुहुँदैन, हेर्नुस् न, किनकि यसले समस्या यतिसम्म बढ्छ कि नियन्त्रण गर्न गाह्रो हुन्छ ।

पत्थरीः बैंगनमा अक्सालेट पाइन्छ, जसले पेटमा पत्थरी बढाउन मद्दत गर्छ । यस्तो अवस्थामा गल्तिले पनि बैंगन नखानुहोस् ।