काठमाडौं । चीनको केन्द्रीय बैंकले देशको कमजोर अर्थतन्त्रलाई सुधार गर्न विभिन्न उपायहरूको घोषणा गरेको छ।

‘पिपल्स बैंक अफ चाइना’का गभर्नर प्यान गोङ्सेङले ऋणको लागत घटाउने र बैंकहरूलाई ऋण दिने योजनाको घोषणा गरेका छन्।

चीनको अर्थतन्त्रसँग सम्बन्धित निराशाजनक तथ्याङ्कको एक श्रृंखला जारी भएपछि यो निर्णय गरिएको हो। केन्द्रीय बैंकको घोषणापछि अहिले जनताको अपेक्षा बढेको छ ।

चिनियाँ अर्थतन्त्रसँग सम्बन्धित तथ्याङ्क बाहिर आएपछि विश्वको दोस्रो ठूलो अर्थतन्त्रले यो वर्ष आफ्नो पाँच प्रतिशतको आर्थिक वृद्धिदर लक्ष्य गुमाउने डर थियो ।

पान गोङसेङको घोषणापछि एसियाको शेयर बजारमा उछाल आएको छ ।

एक पत्रकार सम्मेलनमा आफ्नो सम्बोधनमा गोङसेङले भने, “केन्द्रीय बैंकले बैंकहरूले रिजर्भमा राखेको नगदको मात्रा घटाउनेछ।”

यसलाई ‘रिजर्भ आवश्यकता अनुपात’ (आरआरआर) भनिन्छ।

प्रारम्भमा, आरआरआर आधा प्रतिशतले कटौती गरिनेछ, जसले बजारमा लगभग १ ट्रिलियन युआन ल्याउने अपेक्षा गरिएको छ।

उनले वर्षको अन्त्यमा पनि आरआरआरमा अर्को कटौती गर्न सकिने बताए ।