काठमाडौं । मंगलबार राति इरानले इजरायलमा करिब २०० मिसाइल आक्रमण गरेको थियो । अमेरिकाले पनि इजरायललाई यी मिसाइलहरू खसाल्न सहयोग गरेको थियो।

इजरायल डिफेन्स फोर्स (आईडीएफ) ले बुधबार सामाजिक सञ्जालमा इजरायलले अमेरिकासँग मिलेर काम गरेको जानकारी दिएको छ।

“इजरायल विरुद्ध मङ्गलबारको इरानको आक्रमण पछि जनरल स्टाफ हर्जी हेलेवीले अमेरिकी केन्द्रीय कमाण्डका कमाण्डर जनरल माइकल एरिक कुरिलासँग वर्तमान अवस्थाको बारेमा छलफल गरे,” आइडीएफले एक्स पोस्टमा लेख्यो।

इजरायली सेनाले पोस्टमा लेख्यो, “आईडीएफ र अमेरिकी सशस्त्र बलहरूले इरानी आक्रमण अघि, आक्रमणको समयमा र पछि सुरक्षामा धेरै दिन काम गरे। आइडीएफ यस सहयोगको कदर गर्दछ।”

“हामी (आईडीएफ) क्षेत्रीय स्थिरता र बलहरू बीचको समन्वय सुदृढ गर्ने हाम्रो प्रतिबद्धताको एक भागको रूपमा अमेरिकी सशस्त्र बलहरूसँगको हाम्रो सम्बन्धलाई अझ गहिरो बनाउन जारी राख्नेछौं,” आइडीएफले लेख्यो।