काठमाडौं । कतारका अमिर तमिम बिन हमाद अल थानीले स्वतन्त्र प्यालेस्टाइनबिना शान्ति सम्भव नहुने बताएका छन् ।

एशिया सहयोग संवाद शिखर सम्मेलनको उद्घाटन समारोहमा सम्बोधन गर्दै उनले यसको राजधानी पूर्वी जेरुसेलम हुनुपर्ने बताए ।

अल थानीको भाषण कतारको विदेश मन्त्रालयले आफ्नो सामाजिक सञ्जालमा एक पोस्टमा साझा गरेको छ ।

सम्बोधनमा अल थानीले भने, “शान्ति बिना सुरक्षा हासिल गर्न सकिँदैन र जुन ४, १९६७ अघिको अवस्थामा स्वतन्त्र प्यालेस्टाइन राज्य बिना यो सम्भव छैन जसको राजधानी पूर्वी जेरुसेलम होस् र यसको स्थापना अन्तर्राष्ट्रिय कानून र अरब शान्ति पहलको संकल्प अनुसार हुनुपर्छ।”

उनले भने, “कतारले प्यालेस्टाइनको अधिकार र त्यहाँका जनताको कानुनी अधिकारको संरक्षणमा सहयोग गरिरहनेछ।”