काठमाडौं । छत्तीसगढको माओवादी प्रभावित नारायणपुर जिल्लामा प्रहरीले भिडन्तमा ३० जना माओवादी मारिएको दाबी गरेको छ ।

मुठभेड स्थलबाट ठूलो परिमाणमा अत्याधुनिक हतियार बरामद भएको प्रहरीले जनाएको छ ।

भिडन्तपछि खोजी अभियान जारी छ। प्रहरीले कथित माओवादी मारिनेको संख्या बढ्न सक्ने कुरालाई इन्कार गरेको छैन ।

कथित माओवादी विरुद्धको अपरेशनका लागि बिहीबार ओर्छा र बारसुर थानाबाट विशेष कार्यदल र जिल्ला रिजर्भ गार्डको छुट्टाछुट्टै टोली गएको बीबीसीका एक उच्च प्रहरी अधिकारीले बताए ।

प्रवक्ताका अनुसार नेन्दुर–ठुलाथुली जंगलमा शुक्रबार दिउँसो ‘शङ्कास्पद माओवादी’सँग भिडन्त भएको थियो जुन साँझसम्म जारी रह्यो ।

घटनास्थलबाट अहिलेसम्म ३० माओवादीको शव फेला परेको प्रहरीले जनाएको छ । तर, उनको परिचय भने खुल्न सकेको छैन । तर बरामद हतियारको प्रकारका कारण मारिनेमा माओवादीका केही ठूला नेताहरु पनि समावेश हुन सक्ने आशंका गरिएको छ ।

राज्यका मुख्यमन्त्री विष्णुदेव साईले सैनिकले हासिल गरेको यो ठूलो सफलता सराहनीय रहेको बताएका छन् ।

उनले भने, “नक्सलवादको अन्त्यका लागि सुरु भएको हाम्रो लडाइ अन्त्यमा पुगेपछि मात्रै अन्त्य हुन्छ, यसका लागि हाम्रो डबल इन्जिन सरकार कटिबद्ध छ। हाम्रो लक्ष्य राज्यबाट नक्सलवाद अन्त्य गर्ने हो।”