काठमाडौं। सेन्ट्रल एसियन भलिबल एसोसिएसन (काभा) पुरुष यू-२० च्याम्पियनशिपअन्तर्गत लिग चरणको अन्तिम खेलमा नेपालले तुर्कमिनेस्तानलाई पराजित गर्दै प्रतियोगिताको फाइनलमा प्रवेश गरेको छ।

श्रीलंकाको कोलम्बोमा आज भएको खेलमा नेपालले तुर्कमिनेस्तानलाई ३-० सोझो सेटमा पराजित गर्दै फाइनलमा पुगेको हो। आजको खेलमा नेपालले पहिलो सेट २५-१४, दोस्रो सेट २५-२१ र अन्तिम सेट २५-२० अंकले जितेको हो ।

जितसँगै नेपालले पाँच खेलबाट १० अंक जोडेको छ । यसअघि नेपालले श्रीलंका र माल्दिभ्सलाई समान ३-० सेटमा पराजित गरेको थियो भने उज्वेकिस्तानसँग ३-१ र किर्गिस्तानसँग ३-२ सेटमा हार बेहोरेको थियो।

तुर्कमिनेस्तानले पाँच खेलबाट समान १० अङ्क नै जोडेको छ । उसले माल्दिभ्स र किर्गिस्तानलाई समान ३-० तथा श्रीलंकालाई ३-१ को सेटमा पराजित गरेको थियो भने तुर्कमिनेस्तान उज्वेकिस्तानसँग ३-१ को सेटमा पराजित भएको थियो । शनिबार नेपाल र उज्वेकिस्तानबीच फाइनल खेल हुनेछ ।