काठमाडौं । एक टेलिभिजन कार्यक्रममा अमेरिकी राष्ट्रपति पदका उम्मेदवार तथा उपराष्ट्रपति कमला ह्यारिसले ट्रम्पलाई फासीवादी भनेकी थिइन् ।

कमला ह्यारिसले आफ्ना प्रतिद्वन्द्वीहरू फासिस्ट भएको र ‘अनियन्त्रित शक्ति’ चाहेको बताएकी थिइन्।

कमला ह्यारिसलाई सीएनएनको कार्यक्रममा सोधिएको थियो कि उनी ट्रम्पको पूर्व सहयोगीसँग सहमत छिन् कि ट्रम्प फासीवादी हुन्। यसमा कमला ह्यारिसले ‘म सहमत छु’ भनिन् ।

अब पूर्व राष्ट्रपति र अमेरिकी राष्ट्रपति पदका उम्मेदवार डोनाल्ड ट्रम्पले आफ्नो सामाजिक सञ्जाल प्लेटफर्म ट्रुथमा कमला ह्यारिसको फासीवादी भनाइप्रति प्रतिक्रिया दिएका छन् ।

ट्रम्पले भनेका छन्, “उनले आफ्नो बयानबाजीलाई यति हदसम्म बढाइरहेकी छिन् कि उनी मलाई एडोल्फ हिटलर भन्छिन् र उनको दिमागमा जे आउँछ त्यही भन्छिन्।”

डोनाल्ड ट्रम्पले ह्यारिसलाई ‘कमरेड कमला ह्यारिस’ भनेका छन् र उनलाई लोकतन्त्रका लागि खतरा भएको बताएका छन् ।