भैरहवा। नेपाल कम्युनिष्ट पार्टी (एमाले) का सचिव छविलाल विश्वकर्माले एमालेमा एउटै गुट केपी ओली नेर्ततवको गुट मात्रै रहेको बताएका छन्। उनले भने-हामी सबै एकताबद्ध छौ एमालेमा गुट उपगुट भएको छैन एकताबद्ध भएर एक अर्कामा विश्वास गरेर एमाले अघि बढेको छ।’

भैरहवामा भएको एमाले सिद्धार्थनगर नगर कमिटी, रुपन्देहीको दोस्रो नगर अधिवेशनमा सम्बोधन गर्दै सचिव विश्वकर्माले एमालेमा घेरावन्दी हुँदा समेत सबैलाई छिचोल्दै एमाले उठेको बताउँदै अहिले नेतृत्वमा भएको एमालेमाथि जति प्रहार भएपनि प्रभावित नभई निर्णायक शक्तिमा पुगेको बताए। एमालेलाई निर्णायक राष्ट्रिय शक्ति बनाउने संकल्प लिएकोले कसैले चाहेर पनि अवरोध गर्न नसक्ने उनले भने।

पूर्वमन्त्री समेत रहेका नेता विश्वकर्माले भने-एमाले पूर्वाधार जोड्दै अगाडि बढेको छ, चाहे यस हुलाकी सडक होस या बुद्ध परिपथ वा भैरहवास्थित गौतमबुद्ध अन्तर्राष्ट्रिय विमानस्थल एमालेको पहलकदमीले नै महत्वका साथ अगाडि बढिरहेको छ।’

‘अब सिद्धार्थनगरमा एमालेले कसैको बैशाखी टेकदैन। एकताबद्ध भई एक अर्कामा विश्वास र इमान्दारिक पूर्वक अरु पार्टीको सहयोग विना एमाले सिद्धार्थनगरमा अगाडि बढ्छ,’ उनले भने, ‘आफ्नै सामर्थ्यले निर्णायक शक्ति बनाउन र कसैको वैशाख नटेक्ने गरी अघि बढ्न पार्टी संगठनलाई व्यवस्थित गर्नुपर्छ।’

एमाले पोलिटब्यूरो सदस्य, रुपन्देही जिल्ला इञ्चार्ज तथा लुम्बिनी प्रदेशका पूर्व मुख्यमन्त्री लिला गिरीले वर्तमान सरकार ढल्छ भनेर हल्ला फैलाइएको बताए। उनले राजनीतिक स्थिरताका लागि एकजुट हुनुपर्छ भनेर कांग्रेस–एमाले मिलेर सरकार बनाएको बताए। उनले नेताले केही गरेनन् भनेर हल्ला फैलाउने काम भइरहेको बताए।

पार्टीका पोलिटब्यूरो सदस्य तथा रुपन्देही क्षेत्र नम्बर ३ का इञ्चार्ज खिमलाल भट्टराईले अर्थतन्त्र, विकास निर्माण र ठप्प भएको काम सुरु भई तिव्रता दिइएको छ सोचे जस्तो प्रगति र चाहे जस्तो काम नभएकोले यस्को मुल्याङकन गर्नु पर्ने बताए।

एमालेकै पहलकदमीमा विमानस्थल पूर्ण संचालनको लागि काम भइरहेको छ समस्या समाधान गर्नेतर्फ सरकार अघि बढेको बताउँदै व्यवस्थित रुपमा अब संचालनमा ल्याइने उनले बताए। ‘एमाले बलियो छ अब थप बलियो भई विकास गर्छ , अरुले जस्तो गफ होइन एमाले काम गर्छ’ भटराईले भने।

कार्यक्रममा एमाले पोलिटब्यूरो सदस्य दधिराम न्यौपाने, पार्टीको केन्द्रीय निर्वाचन आयोगका सदस्य भरत कुमार पोखरेल, रुपन्देही जिल्ला अध्यक्ष यज्ञ गैरे, सिद्धार्थनगर कमिटीका अध्यक्ष चक्र बहादुर थापा लगायतले बोल्दै एमालेलाई अझ बलियो बनाउनुपर्ने, अब नेकपा एमाले ८४ को निर्बाचनमा आफ्नै शक्तिमा एकल बहुमत ल्याएर अंगाडि बढ्ने बताए।