काठमाडौं । अमेरिकी पूर्व राष्ट्रपति तथा रिपब्लिकन पार्टीका उम्मेदवार डोनाल्ड ट्रम्पले अमेरिका गलत दिशामा गइरहेको बताएका छन् ।

अमेरिकी राज्य जर्जियामा भएको फेथ समिटमा एक प्रश्नोत्तरको सत्रमा ट्रम्पले भने, ‘अमेरिका गलत दिशामा गइरहेको छ र धर्म अमेरिकालाई जोड्ने लिङ्क हो ।’

यस क्रममा ट्रम्पले जुलाईमा आफूमाथि भएको आक्रमणको पनि उल्लेख गर्दै आफू अझै कुरा गर्न सक्षम हुनु चमत्कार भएको बताए ।

अर्कोतर्फ डेमोक्रेटिक पार्टीकी उम्मेदवार कमला ह्यारिसले आफ्नो मानसिक परीक्षणका लागि आफू तयार रहेको बताउँदै ट्रम्पलाई यस्तो परीक्षण गराउन चुनौती दिएकी छन् ।

अमेरिकामा आगामी नोभेम्बर ५ मा राष्ट्रपतीय निर्वाचनका लागि मतदान हुँदैछ । यी चुनावमा रिपब्लिकन पार्टीबाट डोनाल्ड ट्रम्प उम्मेदवार छन् भने डेमोक्रेटिक पार्टीले कमला ह्यारिसलाई उम्मेदवार बनाएको छ ।

कमला ह्यारिस हाल अमेरिकाकी उपराष्ट्रपति पनि छन् ।