एजेन्सी । न्युजिल्याण्डका पूर्व क्रिकेटर ब्रेण्डन म्याकुलम भारतको चर्चित फ्रेन्चाइज लिग इण्डियन प्रिमिएर लिग (आईपीएल) टिम कोलकत्ता नाइट राईडर्सको मुख्य प्रशिक्षक नियुक्त भएका छन् ।

कोलकत्ताले बिहिबार म्याकुलमलाई मुख्य प्रशिक्षकको जिम्मेवारी दिएको हो । यस्तै कोलकत्ताले सिमोन कटीचलाई सहायक प्रशिक्षक नियुक्त गरेको छ ।

न्युजिल्याण्डको पूर्व कप्तान समेत रहेका ३७ वर्षे म्याकुलम कोलकत्ताका पूर्व खेलाडी समेत हुन् । उनले सन् २००८ देखि १० सम्म तथा २०१३ र १३ को सिजन कोलकत्ताबाट खेलेका थिए ।