एजेन्सी । नयाँ सिजनको स्पेनिस ला लिगा आज (शुक्रबार)देखि सुरु हुँदैछ। नेपाली समयअनुसार राति १२ः४५ मा सुरु हुने पहिलो खेलमा च्याम्पियन बार्सिलोना र एथ्लेटिक बिल्बाओ बिच प्रतिस्पर्धा हुनेछ।

एथ्लेटिक विल्बाओको घरेलु मैदानमा हुने खेलमा बार्सिलोनाका कप्तान मेस्सी नखेल्ने सम्भावना छ। उनी पूर्ण रुपमा फिट नभएकाले नखेल्ने सम्भावना रहेको छ। बार्सिलोना र एथ्लेटिक विल्बाओ ला लिगा इतिहासमा अहिलेसम्म रेलिगेसनमा परेका छैनन्।

यो समरमा बिल्बाओले एक जना पनि नयाँ खेलाडी किनेको छैन । उसले आफ्नै एकेडेमीबाट खेलाडीलाई पहिलो टिममा बढुवा गराएको छ । तर बार्सिलोनाले भने विश्व फुटबलका उत्कृष्ट खेलाडीलाई अनुबन्ध गरेको छ । उसले ग्रिजम्यान, फ्रेंकी डि जोङ, जुनियर फिर्पो जस्ता खेलाडी अनुबन्ध गरिसकेको छ र अझ पनि केही खेलाडी दाउमा रहेको छ।