काठमाडौं । बलुचिस्तानको क्वेटाको रेलवे स्टेशनमा भएको विस्फोटमा मृत्यु हुनेको संख्या २५ पुगेको छ । बलुच लिबरेशन आर्मीले यस हमलाको जिम्मेवारी लिएको छ ।

यस विस्फोटमा हालसम्म ४६ जना घाइते भएको बताइएको छ । अधिकारीहरूले मृतकको संख्या बढ्न सक्ने आशंका व्यक्त गरेका छन् ।

पाकिस्तानी प्रहरीका एसएसपी अपरेसन मोहम्मद बलोचले बीबीसीलाई भनेअनुसार विस्फोट हुँदा करिब १५० देखि २०० मानिस प्लेटफर्ममा जम्मा भएका थिए र रेलको प्रतीक्षा गरिरहेका थिए।

सामान्य जनतासँगै सिपाहीहरू पनि स्टेशनमा जम्मा भएको र विष्फोटमा सैनिकको पनि हताहति भएको उनले बताए ।

बलुचिस्तानका मुख्यमन्त्रीले घटनाको निन्दा गर्दै भने, “यस आतंकवादी घटनाको पछाडि जिम्मेवार व्यक्तिहरूलाई उनीहरूको अन्त्यसम्म कारबाही गरिनेछ।”