काठमाडौं । लेबनानको स्वास्थ्य मन्त्रालयले मध्य लेबनानको दुई घरमा इजरायली आक्रमणमा २३ जनाको मृत्यु भएको जनाएको छ।

लेबनानका अनुसार इजरायलले आक्रमण गरेको ठाउँमा विस्थापित परिवारहरू बस्दै आएका थिए। लेबनानका अनुसार यी आक्रमणमा मारिनेमा अधिकांश महिला र बालबालिका रहेका छन् ।

इजरायली आक्रमण भएका दुईवटा गाउँहरू माउन्ट लेबनान क्षेत्रमा छन्, जुन हिजबुल्लाहको अड्डा रहेको क्षेत्रमा पर्दैन।

इजरायली सेनाले बेरुतको दक्षिणी उपनगरहरूमा हिजबुल्लाह लक्ष्यहरूमा आक्रमण पछि आक्रमणहरूको अनुसन्धान गरिरहेको बताएको छ।

यसैबीच उत्तरी इजरायलको नाहरिया सहरमा हिजबुल्लाहले गरेको रकेट आक्रमणमा परी दुई जनाको मृत्यु भएको छ ।