हेटौंडा । मकवानपुरको भीमफेदीमा ट्रक दुर्घटना हुँदा तीन जना घाइते भएका छन्। त्रिभुवन राजपथअन्तर्गत भीमफेदी गाउँपालिका-९ स्थित महाभीर खोल्सामा झापाबाट काठमाडौंतर्फ बाँस लिएर जाँदै गरेको प्रदेश १–००२–०१ ख ९७०७ नम्बरको ट्रक सोमबार बिहान अनियन्त्रित भएर दुर्घटनामा परेको हो।

ट्रक सडकबाट करिब २० मिटर तल खोल्सामा खसेको र तीन जना घाइते भएको बागमती प्रदेश प्रहरी कार्यालय हेटौंडाले जनाएको छ।

ट्रकमा चालकसहित तीन जना सवार रहेकोमा झापा दमक नगरपालिका ९ बस्ने वर्ष १४ का जनक नेपाल बायाँ हात खुटामा चोट लागेको छ। उनलाई उपचारका लागि काठमाडौं पठाइएको छ।

दुर्घटनामा परी घाइतेभएका ट्रक चालक सोही स्थानका ४७ वर्षीय कृष्णप्रसाद भण्डारी र ट्रकमा सवार झापा कमल गाउँपालिका ७ का २८ वर्षीय करण चौधरीको स्थानीय मेडिकलमा उपचार भइरहेको प्रहरीले जनाएको छ।