एजेन्सी । स्पेनिस क्लब बार्सिलोनाका मिडफिल्डर कौटिन्हो बायर्न म्युनिख जाने भएका छन् । उनी लोनमा यसै सिजन बायर्न जाने बिषयमा दुवै क्लबबीच सहमती बनेको छ।

२७ बर्षका बार्साका मिडफिल्डर ला लिगाको पहिलो खेलमा अनुपस्थित थिए । सो खेलमा बार्सा एथ्लेटिको बिल्बाओसंग पराजित भएको थियो । उनी ईङ्लिस क्लब जाने चर्चा चलेपनि सरुवाको अन्तिम दिनसम्म कुनै टुंगो नलागेको कारण कौटिन्होले अब जर्मन क्लबमा नयाँ सिजन बिताउने पक्का भएको छ ।

दुवै क्लबबीच कौटिन्होको बिषयलाई लिएर सहमती बनेपनि औपचारिक प्रदान गर्न भने बाँकी छ । बार्सिलोनाका प्रवक्ता गुइलेर्मो अमोरले कौटिन्होको बिषयमा पुष्टि गर्दै उनी एक सिजन लोनमा बायर्न जाने बिषयमा सहमती बनेको उल्लेख गरेका छन् ।

गत सिजन बार्सिलोनाबाट कौटिन्होले ५४ खेल खेल्दै मात्र ११ गोल गरको थिए । उनले ५ गोलको अवसर सिर्जना गरेका थिए । कौटिन्होको स्थानमा बार्सिलोनाले एट्लेटिको मड्रिडबाट एन्टोनी ग्रिजम्यानलाई ल्याएको छ । यस्तै फ्रान्सेली खेलाडी उसमान डेम्बेले समेत बार्साको विकल्पको रुपमा रहेका छन् ।