काठमाडौं। राष्ट्रिय स्वतन्त्र पार्टी (रास्वपा) यतिबेला घर न घाटको पार्टी हुने अवस्थामा पुगेको छ। जसको महत्वाकांक्षामा पार्टी खडा भएको थियो उनी नै राजनीतिमा टिक्ने वा नटिक्ने भन्ने टुंगो नलागेको अवस्थामा रास्वपा ‘आगोको भुङ्ग्रोमा’ परेको टिप्पणी हुन थालेकाे छ।

रास्वपाका सभापति रवि लामिछाने अहिले सहकारी ठगी, संगठित अपराध र सम्पत्ति शुद्धीकरण मुद्दामा प्रहरीको हिरासतमा रहेका छन्। उनी कार्तिक २ गते पक्राउ परेका थिए। एक महिना उनी प्रहरीकै हिरासतमा बसिसकेका छन्। उनले आफू दोषमुक्त नहुन्जेल कसैलाई कार्यबाहक दिन खोजिरहेका छैनन्।

सभापति नै जेलमा रहेपछि पार्टी कसरी चलिरहेको होला त? तर केही वरिष्ठ नेताहरु नै रास्वपालाई रविको निजी कम्पनी भएको प्रमाणित गर्दै आफूहरु रक्षक भएको बताउन थालेका छन्।

नभन्दै रविलाई निष्पक्ष छानबिन गरेर न्याय दिन अदालतलाई अनुरोध गर्नुको सट्टा सरकारको प्रतिशोधमा पक्राउ गरेको भनेर आरोपलाई ढाकछोप गर्दै नेताहरु तत्काल रिहा गर्न दबाब दिइरहेका छन्।

रास्वपा ‘सटकट’ बाटो राजनीतिमा आउनेहरुका लागि खुलेको पार्टी हो। त्यही भएर पनि होला वाग्लेले सटकट बाटोबाटै सभापति हत्याउने योजना बनाएकाे  टिप्पणी हुन थालेकाे छ।

रास्वपाले रवि कुनै हालतमा दोषी नभएको भन्दै प्रतिशोधका कारण पक्राउ परेको भन्दै रिहा नभएसम्म आन्दोलन सशक्त पार्ने निष्कर्ष निकालेको छ। रास्वपाले रविलाई छानबिन सकिएर दोषमुक्त भएपछि पुनः सभापतिको पद सम्हाल्ने गरी कसैले पनि कार्यबाहक सम्हाल्ने आँट गर्न सकेको छैन।

यसका उपसभापति डोलप्रसाद अर्याल (डीपी) ले रवि लामिछाने ज्युँदारहेसम्म रास्वपाको सभापति रहने बताएर रास्वपालाई रविको निजी कम्पनी जस्तो बनाइदिएका छन्। अर्यालले तत्काल कसलै पनि कार्यवहाक नपाउने बताए।

उनले भने, ‘रवि लामिछाने ज्युँदो रहेसम्म रास्वपाको सभापति उहाँ नै हो। यसमा कार्यबाहक सभापति कसले पाउँछ, कसले पाउँदैन त्यो गौण कुरा हो।’ पार्टीमा डीपीसँगै स्वर्णिम वाग्ले उपसभापति छन्।

रास्वपाको विधानमै सभापतिले तोकेका वा ज्येष्ठ उपसभापति मध्यबाट कार्यबाहक तोक्ने विधानमा व्यवस्था भए पनि अहिलेसम्म पार्टीले कसैलाई कार्यबाहक दिएको छैन। त्यतिमात्र होइन रविलेसमेत कसैलाई कार्यबाहक दिने आँट गरेका छैनन्।

हुनत केन्द्रीय समिति बैठकको अध्यक्षता डीपील नै गरे। रवि जेल पर्दा सहकारी सहितका विभिन्न प्रकरणमा आफूहरु पनि तानिने चिन्तामा रास्वपाका नेताहरु रहेको चर्चा पनि छ।

जो सहकारीमा प्रत्यक्ष परोक्ष मुछिएका छन् उनीहरुले रविलाई मुक्त गर्न पाए सबै चोखिने सोचमा छन्। दोस्रो धारको आवाज बलियो बन्दै रास्वपाभित्र दोस्रो धार पनि सक्रिय हुँदै गएको छ। उनीहरुले रविलाई हटाएर अरु कसैले कार्यबाहक लिनुपर्ने भनिरहेका छन्।

रवि दोषी भए पनि पार्टी भने निरन्तर चल्नुपर्नेमा उनीहरुको जोड छ। यस्तो जोड दिनेहरुको नेतृत्व स्वर्णिम वाग्लेले गरिरहेका छन्। उनी आफूले कार्यबाहक पाउनुपर्नेमा लागको पाइएको छ। केही नेताहरुले उनलाई समर्थनसमेत गरेका छन्। वाग्लेले आन्तरिक रुपल यसलाई लबिङ गरिरहेको समेत पाइएको छ।

त्यसो त उनी नेपाली कांग्रेसबाट फाइदा लिएर रास्वपामा गएका हुन्। नभन्दै उनलाई कांग्रेस मतदातालेसमेत भोट हालेर रास्वपाको सांसद भए। अनि पार्टीको उपसभापति पनि भए। अब उनको इच्छा यहीबेलामा पार्टीको नेतृत्व नै सम्हालौँ भन्ने रहेको छ।

हुनत रास्वपा ‘सटकट’ बाटो राजनीतिमा आउनेहरुका लागि खुलेको पार्टी हो। त्यही भएर पनि होला वाग्लेले सटकट बाटोबाटै सभापति हत्याउने योजना बनाएकाे टिप्पणी हुन थालेकाे छ।

यतिबेला रास्वपाभित्र भारतसँगको सम्बन्ध सुधार गर्नुपर्ने मत बलियो हुँदै गएको छ।यदि स्वर्णिम पार्टीको कार्यबाहक सभापति भए भने रास्वपा भारतसँगको  सम्बन्धमा सुधार हुने  अपेक्षा पनि गरिएको छ।

किनकि स्वर्णिम तिनै नेता हुन् जसले नेपाल भारतको छाता मुनि बस्नुपर्छ भनेर राष्ट्रियता बेच्न तम्सिएका थिए। उनले देश नै भारतको निहितमा रहेर चल्नुपर्छ भन्ने नेता भएपछि रास्वपा त भँडखालोमा जान्छ नै देशकासमेत गद्दारहरु उत्पादन गर्ने पार्टी नबन्ला भन्न सकिन्न।