काठमाडौं । साउदी अरबमा मृत्युदण्डको तथ्याङ्कले रेकर्ड तोडेको छ। यहाँ सन् २०२४ मा मात्र १०० भन्दा बढी विदेशीलाई मृत्युदण्ड दिइएको छ । यो वर्ष मृत्युदण्ड पाउने विदेशीको संख्या १०१ पुगेको छ ।

यो संख्याले पछिल्लो दुई वर्षको कीर्तिमान तोडेको छ । सुन्नी बहुल साउदी अरबमा विदेशीहरूलाई मृत्युदण्ड दिने घटनामा ठूलो वृद्धि भएको छ। हालै यमनका एक नागरिकलाई लागुऔषध तस्करीको मुद्दामा मृत्युदणडको सजाय सुनाइएको छ ।

साउदी अरबमा सन् २०२३ र २०२२ मा ३४–३४ जनालाई मृत्युदण्ड दिइएको थियो । अहिले पछिल्लो तथ्यांकले विदेशीलाई मृत्युदण्ड दिने घटना झण्डै तीन गुणा बढेको देखाएको छ । यस वर्ष मृत्युदण्डको सजाय सुनाइएका विदेशीमध्ये सबैभन्दा बढी २१ जना पाकिस्तानका छन् ।

तीन जना भारतीयछन् । यसबाहेक यमनका २०, सिरियाका १४, नाइजेरियाका १०, इजिप्टका ९, जोर्डनका ८ र इथियोपियाका ७ जनाको नाम सूचीमा छ । सुडान र अफगानिस्तानका तीन–तीन जना र श्रीलंका, इरिट्रिया र फिलिपिन्सका एक–एक जनालाई पनि फाँसी दिइएको छ ।

शनिबार, एक यमनी नागरिकलाई लागूऔषध तस्करीको मुद्दामा दोषी पाइयो र उनको मृत्युदण्डको घोषणा गरियो। योसँगै खाडी मुलुकमा सन् २०२४ मा १०१ विदेशी नागरिकलाई मृत्युदण्ड दिोएको रेकर्ड कायम भएको छ । यो सबैभन्दा ठूलो संख्या हो।