एजेन्सी । इंग्ल्याण्डका बलर जोफ्रा आर्चरले टेष्ट क्रिकेटमा पहिलो विकेट हात पार्न सफल भएका छन् । एसेज सिरिज अन्तर्गत दोस्रो टेष्टमा डेब्यु गरेका आर्चरले शुक्रबार विकेट लिँदै टेष्ट क्रिकेटमा विकेटको खाता खोलेका हुन् ।

तीव्र गतिका बलर आर्चरले दोस्रो टेष्टको तेस्रो दिन अष्ट्रेलियाका क्यामरुन बेनक्राफ्टलाई १३ रनमा पेभेलियन फर्काउदै टेष्ट क्रिकेटमा विकेटको सुरुवात गरेका छन्।

First Test wicket @JofraArcher!!! ?

Scorecard/Clips: https://t.co/Ed4jO1fJ9r#Ashes pic.twitter.com/waWSJMWxPH

— England Cricket (@englandcricket) August 16, 2019

पहिलो पटक इंग्ल्याण्डको टेष्ट टिममा परेका आर्चर अर्का बलर जेम्स एण्डरसन घाइते भएका कारण प्लेईङ सेटमा परेका हुन् । एसेज सिरिजमा घरेलु टिम इंग्ल्याण्ड १–० ले पछि परेको छ । पहिलो टेष्टमा अष्ट्रेलिया विजयी भएको थियो ।