न्युयोर्क। टाइम म्यागजिनले अमेरिकाका नवनिर्वाचित राष्ट्रपति डोनाल्ड ट्रम्पलाई २०२४ को वर्ष व्यक्तिको रूपमा चयन गरेको छ।

सन् २०१६ पछि दोस्रो पटक ट्रम्प ‘पर्सन अफ द इयर’ चुनिएका हुन् । ‘टाइम पर्सन अफ द इयर’ को रूपमा जो कोही पनि छान्न सकिन्छ, यो आवश्यक छैन कि उसले राम्रो काम गरेको होस् ।

‘पर्सन अफ द इयर’ बनेपछि ट्रम्पले अब न्यूयोर्क स्टक एक्सचेन्जको ट्रेडिङ डेको ओपनिङ बेल बजाउने भएका छन् । यो कुनै पनि व्यक्तिको लागि ठूलो सम्मान मानिन्छ। यस वर्षको अवार्डको दौड ट्रम्प, कमला ह्यारिस, एलन मस्क, बेन्जामिन नेतान्याहु र वेल्सको राजकुमारी केट मिडलटन बीच भएको समाचार बाहिर आएको थियो ।

खासमा धेरैलाइ थाहा नहुन सक्छ, ट्रम्प र टाइम म्यागजिनको सम्बन्धमा उथलपुथल भइरहन्छ । ट्रम्पले धेरै पटक टाइम म्यागेजिनको आलोचना गरेका थिए र छन्। पहिलो अर्थात सन २०१२ मा उनले टाइम पत्रिकाले १०० सबैभन्दा शक्तिशाली व्यक्तिहरूमा उनलाइ समावेश नगर्दा सबै विश्वसनीयता गुमाएको सार्बजनिक प्रतिक्रिया दिएका थिए ।

सन् २०१५ मा तत्कालीन जर्मन चान्सलर एन्जेला मर्केल पर्सन अफ द इयर बनेपछि ट्रम्पले ट्विटरमा लेखेका थिए, ‘अहिले उनीहरू (टाइम म्यागेजिन) ले जर्मनीलाई बर्बाद गर्ने व्यक्तिलाई चुनेका छन्।’

सन् २०१६ मा ‘पर्सन अफ द इयर’ बनेपछि ट्रम्पले यसलाई ठूलो सम्मान भनेर खुसी ब्यक्त गरेका थिए । तर अर्को वर्ष, ट्रम्पले भनिदिए, ‘ यदि म अन्तर्वार्ता र फोटोसुटका लागि राजी भएको भए २०१७ मा पनि यो उपाधि पाउने थिएँ ।’ तर, टाइम म्यागेजिनले भने ट्रम्पको यो दाबीलाइ अस्वीकार गर्दै आएको छ ।