दाङ । स्कुटर दुर्घटनामा परी दाङको तुलसीपुरमा आमाको मृत्यु हुँदा छोरा घाइते भएका छन्।

तुलसीपुर उपमहानगरपालिका -७ स्थित हात्तिखौवामा भ्यान र स्कुटर ठोक्किँदा भएको दुर्घटनामा लमही नगरपालिका-५ निवासी ५० वर्षीया लिला भुसालको ज्यान गएको हो।

बुधबार दिउँसो साढे १ बजेतिर घोराहीबाट तुलसीपुरतर्फ जाँदै गरेको रा १ च १३०० नम्बरको भ्यान र विपरित दिशाबाट जाँदै गरेको रा ७ प ११३५ नम्बर को स्कुटर आपसमा ठोक्किएका थिए।

दुर्घटनामा उनका छोरा स्कुटर चालक २७ वर्षीय निमलाल भुसाल घाइते भएका छन्। उनको अवस्था सामान्य रहेको र भ्यान तथा स्कुटरलाई प्रहरीले नियन्त्रणमा लिएको जनाएको छ।