काठमाडौं । कास्कीको अन्नपूर्ण गाउँपालिका-१० स्थित बतासेडाँडामा जिप दुर्घटना भएको छ।

पोखराबाट घान्द्रुक जाँदै गरेको ग१ज ६८२१ नम्बरको जिप आज अपराह्न पौने ३ बजे दुर्घटना हुँदा पाँच जना घाइते भएका छन्।

जिप सडकबाट करिब ६०० मिटर तल खसेको प्रहरीले जनाएको छ। जिपमा सात जना सवार रहेकोमा पाँच जना घाइते भएको र उनीहरूलाई उपचारका लागि पोखरा ल्याइएको जिल्ला प्रहरी कार्यालय कास्कीले जनाएको छ।