काठमाडौं । अफगानिस्तानको रक्षा मन्त्रालयले पाकिस्तानी सेनाले देशको पक्तिका प्रान्तको बर्मल जिल्लामा हवाई हमला गरेको आरोप लगाएको छ, जसमा केही व्यक्तिको मृत्यु भएको छ र धेरै व्यक्ति घाइते भएका छन्। यद्यपि पाकिस्तानी सेनाले आक्रमणको पुष्टि गरेको छैन।

अफगानिस्तानको रक्षा मन्त्रालयले सामाजिक सञ्जाल प्लेटफर्म एक्समा तीनवटा पोस्ट गरेको छ। मारिने र घाइते हुनेमा अधिकांश वजिरिस्तानका शरणार्थी रहेको दाबी गरिएको छ ।

रक्षा मन्त्रालयले एक विज्ञप्तिमा भनेको छ, “हामी यसको निन्दा गर्छौं र यो हमला अन्तर्राष्ट्रिय नियमको उल्लङ्घन हो। पाकिस्तानले याद राख्नुपर्छ कि यस्ता आक्रमण समस्याको समाधान होइन।”

पाकिस्तानले पटकपटक ‘तेहरिक–ए–तालिबान’ संगठनले अफगानिस्तानको माटो पाकिस्तानविरुद्ध प्रयोग गरिरहेको बताएको छ ।