काठमाडौं । क्यारेबियन देश हाइटीको प्रमुख सरकारी अस्पताल पुनः खोल्ने घोषणा गर्न आयोजित पत्रकार सम्मेलनमा एक हतियारधारी व्यक्तिले गोली चलाएको छ ।

हाइटीको राजधानी पोर्ट–ओ–प्रिन्समा भएको गोलीकाण्डमा तीन जनाको ज्यान गएको छ भने कैयौं घाइते भएका छन् । यो सार्वजनिक अस्पताल जुलाइअघि हिंसात्मक समूहले कब्जा गरेको थियो।

गोली चल्दा पत्रकारहरु स्वास्थ्यमन्त्रीलाई पर्खिरहेका थिए । रिपोर्टका अनुसार दुई पत्रकार र एक प्रहरीको मृत्यु भएको छ । हमला भिभ अन्सानम समूहले गराएको थियो।

यो गोलीबारीपछिका धेरै भिडियोहरु सामाजिक सञ्जालमा भाइरल भइरहेका छन् । हाइटी क्यारिबियन सागरमा स्थित एक देश हो।