काठमाडौं । संखुवासभाको सभापोखरी गाउँपालिका-६ बाह्रविसे बजारमा आगलागी हुँदा पाँच घर जलेर नष्ट भएका छन्।

आगलागीबाट रामबहादुर राई, अमृता राई, लालसिंह लिम्बुको एक/एक वटा र सुरेश तामाङको दुई वटा घर जलेको जिल्ला प्रहरी कार्यालयका प्रहरी निरीक्षक रामकुमार लामिछानेले बताए।

राम बहादुर राईको घरबाट आगलागी सुरुभएको थियो। नेपाली सेना, प्रहरी र स्थानीयवासीको सक्रियतामा आगो नियन्त्रणमा लिइएको छ। आगलागीबाट भएको क्षतिको पूर्ण विवरण आउन बाँकी रहेको प्रहरीले जनाएको छ।