काठमाडौं । भक्तपुरको मध्यपुर ठिमी नगरपालिका-२ दिव्यश्वरीस्थित क्षमावती ग्रुप कम्पनी अगाडि भएको दुर्घटनामा परेर एक जनाको मृत्यु भएको छ।

पेप्सीकोलाबाट मगर गाउँतर्फ जाँदै गरेको बा. प्र. ०१–०२७ च. ९२७ नं. को कारले सोही दिशातर्फ जाँदै गरेको बा.५० प. ७४१ नं. को मोटरसाइकललाई ठक्कर दिँदा मोटरसाइकल चालक भोजपुर पात्लेपानी गाउँपालिका-६ घर भई हाल काठमाडौं पेप्सिकोला बस्ने वर्ष २९ को राजु राईकी २३ वर्षीया श्रीमती सपना राईको मृत्यु भएको हो।

गम्भीर घाइते भई उपचारको लागि मदरल्याण्ड अस्पताल पेप्सीकोला काठमाडौं लगिएको र पछि थप उपचारको लागि काठमाडौं मेडिकल कलेज सिनामंगल काठमाडौं लगिएकोमा उपचारकै क्रममा उनको मृत्यु भएको प्रहरीले जनाएको छ।

उनको शव सोही अस्पतालमा रहेको छ। दुर्घटनामा घाइते भएकी उनकी ३ वर्षीया छोरी ईश्वरी राई उपचार पश्चात् डिस्चार्ज भएको जिल्ला प्रहरी परिसर भक्तपुरले जनाएको छ।

सवारी साधन र कार चालक रामेछाप सुनापाती गाउँपालिका-१ घर भई हाल काठमाडौं बूढानीलकण्ड नगरपालिका-४ बस्ने वर्ष ३४ को कृष्णप्रसाद गौतमलाई प्रहरी वृत्त ठिमी भक्तपुरको नियन्त्रणमा राखिएको परिसरका निमित्त सूचना अधिकृत टेकेन्द्र शर्मा पौडेलले जनाए। घटनाको सम्बन्धमा थप अनुसन्धान भइरहेको जनाइएको छ।