काठमाडौं । अमेरिकी राष्ट्रपति डोनाल्ड ट्रम्पले शनिबार क्यानडाबाट आयात हुने सामानमा २५ प्रतिशत कर लगाउने अनुमति दिएका छन् ।

यस निर्णयको विरुद्धमा क्यानडाले पनि अमेरिकामा २५ प्रतिशत ट्यारिफ लगाउने बताएको छ ।

क्यानडाको जवाफमा राष्ट्रपति ट्रम्पले आइतवार आफ्नो ट्रुथसोसियल खातामा लेखेका छन् ‘अमेरिकालाई क्यानाडाबाट केहि चाहिदैन।’

“हामीले क्यानाडालाई सब्सिडी दिन सयौं बिलियन डलर तिर्छौं । किन ? यसको कुनै कारण छैन । हामीलाई उनीहरूसँग भएको कुनै पनि कुराको आवश्यकता छैन,” उनले लेखे।

“हामीसँग असीमित ऊर्जा छ, हामीले आफ्नै कारहरू बनाउनु पर्छ। हामीसँग प्रयोग गर्न सक्ने भन्दा धेरै काठ छ। यी सब्सिडीहरू बिना, क्यानाडा एक व्यवहारिक देश बन्न सक्षम हुनेछैन।”

“त्यसैले क्यानाडा हाम्रो ५१ औं राज्य बन्नुपर्दछ, जहाँ तिनीहरूसँग धेरै कम करहरू हुनेछन्, आफ्ना जनताको लागि धेरै राम्रो सैन्य सुरक्षा हुनेछ र कुनै शुल्कहरू हुनेछैनन्,” ट्रम्पले भने।

यसअघि क्यानडाका प्रधानमन्त्री जस्टिन ट्रुडोले आइतबार एक पत्रकार सम्मेलनमा डोनाल्ड ट्रम्पले लगाएको करको जवाफमा क्यानडाले पनि कर लगाउने बताएका थिए ।