काठमाडौं । नेपाली चलचित्र ‘पासवर्ड’को अफिसियल ट्रेलर सार्वजनिक गरिएको छ । चलचित्रको ट्रेलर एक्सनले भरिएको छ । नेपालबाट हराएको बहुमुल्य मुर्तिको कथालाई उठाइएको यस चलचित्रको एक गतिमा बलिउड नायिका सन्नी लियोनीलेसमेत नृत्य गरेकी छिन् ।

चलचित्रको अधिकांश छायाँकन बेलायतमा गरिएको छ । चलचित्रमा अनुपविक्रम शाही, विक्रम जोशी, वुद्दि तामाङ, रविन्द्र झा, प्रविण खतिवडा, धिरेन शाक्य लगायतको अभिनय रहेको छ ।

चलचित्रमा अर्जुन पोखरेलको संगीतरहेको छ, भने सम्राट बस्नेतको एक्सन रहेको छ । अमरजीत सिंहले छायांकन गरेको चलचित्रलाई सम्राट बस्नेतले निर्देशन गरेका हुन् । सिमा गुरुङले चलचित्रको कथा लेखेकी हुन् ।

एवी इन्टरनेशनलको ब्यानरमा निर्माण भएको चलचित्रमा अमित बस्नेत र हिराल जोशीको लगानी रहेको छ । कार्यकारी निर्माताका रुपमा अंकित गौतमले लगानी गरेका छन् । चलचित्र भदौ २७ गतेबाट प्रदर्शनमा आउने तयारीमा छ ।