काठमाडौं । पाकिस्तानी जेलमा रहेका पूर्व प्रधानमन्त्री इमरान खानलाई फेरि एक पटक नोबेल शान्ति पुरस्कारको लागि मनोनयन गरिएको छ। पाकिस्तानमा मानव अधिकार र लोकतन्त्रको प्रवर्द्धन गरेकोमा इमरान खानलाई मनोनयन गरिएको हो।

यो घोषणा नर्वेजियन राजनीतिक दल पार्टीट सेन्ट्रमसँग सम्बन्धित पाकिस्तान वर्ल्ड एलायन्सले गरेको हो। राष्ट्रिय कोषको दुरुपयोगको आरोपमा इमरान खान २०२३ देखि जेलमा रहेका बेला यो मनोनयन आएको हो।

यसअघि २०१९ मा पनि उनलाई भारतसँगको तनाव कम गरेकोमा नोबेल शान्ति पुरस्कारको लागि मनोनयन गरिएको थियो।

पार्टीट सेन्ट्रमले आइतबार एक्समा पोस्ट गर्‍यो – पार्टीट सेन्ट्रमको तर्फबाट हामी यो घोषणा गर्न पाउँदा खुसी छौं कि हामीले, मनोनयन गर्ने अधिकार भएका जो कोहीसँग मिलेर, पाकिस्तानका पूर्व प्रधानमन्त्री इमरान खानलाई नोबेल शान्ति पुरस्कारको लागि मनोनित गरेका छौं।

इमरान खानलाई २०१९ मा नोबेल शान्ति पुरस्कारको लागि पनि मनोनयन गरिएको थियो। यो मनोनयन २०१९ मा भारतसँगको तनाव कम गर्न गरेको योगदानको लागि गरिएको थियो। उनको समर्थनमा पाकिस्तान संसदमा एक प्रस्ताव पेश गरिएको थियो, जसमा भनिएको थियो कि इमरान खानले बालाकोट हवाई आक्रमण पछि भारतसँगको तनाव कम गर्ने प्रयास गरेका थिए।