काठमाडौं। यस बर्षको प्रतिक्षित चलचित्र ‘छ माया छपक्कै’को फष्टलुक पोष्टर सार्वजनिक गरिएको छ।

सार्वजनिक पोष्टरमा चलचित्रका मुख्य चार कलाकारहरु दीपकराज गिरी, केदार घिमिरे, जितु नेपाल र केकी अधिकारीलाई देखाईएको छ। सार्वजनिक पोष्टरबाट चलचित्र कमेडी जनरामा बनेको आँकलन गर्न सकिन्छ।

यो चलचित्र दशैंमा प्रदर्शन हुने भनिएको छ। तर, सार्वजनिक पोष्टरमा प्रदर्शन मिति उल्लेख गरिएको छैन्। निर्माण टिमलाई प्रदर्शन मिति तोक्न अहिलेसम्म गाह्रो परिरहेको बुझ्न सकिन्छ। आमा सरस्वती मुभिज, रोहित अधिकारी फिल्मस् र आईएमईको प्रस्तुतीमा तयार भएको चलचित्रको निर्माता रोहित अधिकारी हुन्। चलचित्रलाई दीपेन्द्र लामाले निर्देशन गरेका हुन्। दीपेन्द्र लामाको कथा, दीपकराज गिरीको पटकथा रहेको चलचित्रको कार्यकारी निर्मातामा जितु नेपाल र केदार घिमिरे छन्।

‘छ माया छपक्कै’ दीपकराज गिरी र दीपाश्री निरौलाको टिमले रोहित अधिकारीसंग सहकार्य गरेर निर्माण गरेको हो। रोहित अधिकारीको एकल लगानीमा निर्माण भएको चलचित्रको मुनाफाको आधा प्रतिशत भन्दा बढी रकम दीपक–दीपाको टिमलाई जानेछ। चलचित्रले उमेर अन्तर भएका युवा र युवतीको प्रेम कथालाई देखाउने बताइएको छ ।

चलचित्रमा समावेश ‘जुनको जुनेली’बोलको गीत शुक्रबार सार्वजनिक गरिँदैछ।