काठमाडौं। चलचित्र ‘काले दाई’को फस्टलुकसंगै प्रदर्शन मिति सार्वजनिक गरिएको छ।

चलचित्र विजयादशमीको अवसर पारि असोज १७ गतेबाट प्रदर्शनमा आउने निर्देशक शिव शर्माले जानकारी दिए। नौधारे फिल्म प्रोडक्सन र राम्जाली प्रोडक्सनको ब्यानरमा निर्माण भएको चलचित्रमा सम्शेर गुरुङ र ईन्द्र राम्जालीको लगानी छ।

चलचित्रमा ईन्द्र राम्जाली, शिशिर भण्डारी, अनु पराजुली, सुरेन्द्र केसी, शारदा गिरी, उत्तम केसी, विष्णु सापकोटा, गीता अधिकारी, गोबिन्द श्रेष्ठ लगायतको अभिनय रहेको छ।

चलचित्रको कथा ईन्द्र राम्जाली र किशन अर्यालले लेखेका हुन् । चलचित्रमा पवन गौतमको छायांकन, कुमार महर्जनको द्धन्द्ध, रामजी लामिछानेको कोरियोग्राफी तथा तारा थापा ‘किम्भे’को सम्पादन छ । चलचित्रलाई आरआर फिल्मसले वितरण गर्नेछ।

चलचित्रमा प्रेम र हाँसो दुवै समावेश गरिएको निर्माण टिमले जनाएको छ।