एजेन्सी । जर्मन बुन्डेस लिगा फुटबलमा वायर्न म्युनिखले फराकिलो जित निकालेको छ ।

शनिबार भएको खेलमा वायर्नले मैन्जलाई ६–१ गोल अन्तरले हराएको हो । घरेलु मैदानमा एक गोलले पछि परेको स्थिति उल्टाएर वायर्नले फराकिलो जित निकालेको हो ।

वायर्नको जितमा बेन्जामिन पभर्ड, डेभिड अल्बा, इभान पेरिसिच, किन्ग्सले कोम्यान, रोबर्टो लेवान्डोस्की र अल्फन्सो डेभिसले एक एक गोल गरे । मैन्जका जिन पाउलले एक गोल फर्काए ।

जितसँगै वायर्नले ३ खेलबाट ७ अंक जोडेको छ । र, वायर्नले दोस्रो स्थानमा रहेको छ । तीन खेल नै गुमाएको मैन्ज पुछारमा रहेको छ ।