काठमाडौं । नेपाली टिमका उपकप्तान ज्ञानेन्द्र मल्लले असोजमा ओमानमा हुने पाँच राष्ट्र सम्मिलित टि२० सिरिज नखेल्ने भएका छन् । ज्ञानेन्द्रले व्यक्तिगत देखाउँदै उक्त सिरिज नखेल्ने जनाएका हुन् ।

नेपालसहित ५ राष्ट्रले आगामी असोज १८ देखि २३ सम्म ओमानमा हुने टि२० सिरिजमा प्रतिस्पर्धा गर्दैछन् । जसको लागि नेपालले दुई दिन अघिदेखी बन्द प्रशिक्षण सुरु गरि सकेको छ । प्रतियोगितामा टेष्ट राष्ट्र आयरल्यान्ड, नेपाल, ओमान, हङकङ र नेदरल्यान्ड रहेका छन् । नेपालले पहिलो खेल १९ असोजमा हङकङ, २० असोजमा नेदरल्यान्ड, २२ असोजमा आयरल्यान्ड र २३ असोजमा अन्तिम खेल ओमानसँग खेल्ने छ ।

ज्ञानेन्द्र टि२० मा सर्वाधिक छिटो अर्धशतक पुरा गर्ने नेपाली खेलाडी हुन् । जसले अघिल्लो महिना सिंगापुरमा सम्पन्न आईसीसी टि२० एसिया विश्वकप छनोटमा मलेसियाविरुद्ध २० बलमा अर्धशतक पुरा गरेका थिए।