एजेन्सी । क्रोएसियाका स्ट्राइकर इभान राकिटीकले राष्ट्रिय टिमबाट नाम फिर्ता लिएका छन् । बार्सिलोनामा आफ्नो भविष्यमा अनिश्चित बनेका बेला उनले राष्ट्रिय टिमबाट नाम हटाएका हुन् ।

क्रोएसियाका मुख्य प्रशिक्षकले राकिटीक बार्सिलोनाबाट युभेन्टस जाने पछिल्लो कदमका कारण राष्ट्रिय टिममा फोकस हुन नसक्ने बताए ।बार्सिलोनाको प्रशिक्षक भाल्भेर्डेले नेयमारलाई अनुबन्ध गर्नका लागि उनलाई लोनमा पठाउने तयारी गरेका थिए । तर त्यसमा उनी असन्तुष्ट रहेका थिए ।

पछिल्लो पटक पजल अवस्थामा रहेका राकिटिकसँग छलफल गरेपछि नै उनलाई टिममा नराखेको क्रोएसियाका प्रशिक्षकले बताए । उनको स्थानमा मार्को रोगलाई मौका दिइएको छ । यूरो छनोट अन्तर्गत क्रोयसियाले स्लोभाकिया र अजरबैजान विरुद्ध खेल्दैछ ।