एजेन्सी । इन्ग्लिश प्रिमियर लिग क्लब आर्सनल काराबाओ कप फुटबलको चौंथो चरणमा प्रवेश गरेको छ ।

मंगलबार राति भएको खेलमा नटिङघम फोरेष्टलाई ५–० गोल अन्तरले पराजित गर्दै आर्सनल चौंथो चरणमा पुगेको हो ।

आर्सनलको फराकिलो जितमा ग्राबियल मार्टीनेलीले दुई गोल गरे । यस्तै रोब होल्डीङ, जोसेप विल्लक र रेइस नेल्सनले एक एक गोल गरे । च्याम्पियनसिप क्लबविरुद्ध आर्सनलले पहिलो हाफमा १ गोल र दोस्रो हाफमा ४ गोल गरेको थियो ।