एजेन्सी। सामाजिक संजालमा स्वरका कारण भाइरल रानु मण्डलको भाग्य रातारात बदलिएको छ । अहिले उनी बलिउडकी प्लेब्याक गायिका भइसकेकी छिन् । रानुको जीवनबाट प्रभावित फिल्म निर्माता ऋषिकेश मण्डलले उनको जीवनकथामा फिल्म बनाउने भएका छन् ।

रानुको बायोपिकका लागि दक्षिण भारतकी चर्चित अभिनेत्री सुदिप्ता चक्रवर्तीलाई अफर गरिएको छ । सुदिप्ताले आफूलाई अफर आएको पुष्टि गर्दै अहिलेसम्म स्क्रिप्ट नआएको र स्क्रिप्ट पढेपछि यस विषयमा निर्णय गर्ने बताएकी छिन् । फिल्मको नाम प्लेफार्म सिंगर रानु मण्डल राखिएको छ । फिल्ममा रानुले प्लेटफार्मबाट बलिउडसम्म आउँदाको यात्रा देखाइनेछ ।