काठमाडौं । काठमाडौंको शम्भुमार्ग स्थित एभरेष्ट होलीडे ईन होटलबाट पेस्तोलसहित ४ पक्राउ परेका छन्।

महानगरीय प्रहरी कार्यालय रानीपोखरीबाट खटिएको प्रहरी टोलीले पेस्तोल सहित ४ जनालाई पक्राउ गरेको वरिष्ठ प्रहरी उपरीक्षक श्यामलाल ज्ञवालीले जानकारी दिए।

उनका अनुसार प्रहरीले यही ८ गते ११ः३० बजे काठमाडौं महानगरपालिका ९ शम्भुमार्ग स्थित एभरेष्ट होलीडे ईन होटलको ४०४ नम्बर रूमबाट बालुवाटार बस्ने उदयपुर कटारीका भिम सुर्खेती, लाजिम्पाट बस्ने सिन्धुलीका भिम बहादुर माझी, बल्खु बस्ने सिन्धुलिकै प्रदिप माझी र सितापाईला बस्ने लोकेन्द्र बहादुर आलेलाई पक्राउ गरेको छ।

निजहरूको साथबाट प्रहरीले पेस्तोल १ थान, म्यागजिन १ थान र सोही पेस्तोलमा लाग्ने गोली ६ राउण्ड बरामद गरेको छ। घटना सम्बन्धमा प्रहरीले अनुसन्धान गरिरहेको छ।