काठमाडौं। सिंगापुर र ओमानमा हुने त्रिकोणात्मक सिरीजका लागि नेपाली क्रिकेट टिम बुधबार सिंगापुर प्रस्थान गरेको छ । राष्ट्रिय खेलकुद परिषद्का सदस्यसचिव रमेश सिलवालले एक कार्यक्रमका बीच टिमलाई औपचारिक विदाई गरे।

सिंगापुरमा घरेलु टिम र जिम्बावे सम्मिलित त्रिकोणात्मक सिरीज र ओमान ५ देशको सहभागिता रहने टी–२० सिरिजका लागि नेपाली टिम सिंगापुर गएको हो । नेपाली टिम राती सवा १० बजे काठमाडौंबाट सिंगापुर उड्नेछ ।

विदाई कार्यक्रममा बोल्दै नेपाली टिमका कप्तान पारस खड्काले यृुवा खेलाडीले भरिएको टिमले राम्रो नतिजा ल्याउनेमा विश्वस्त रहेको बताए । नेपालले सिंगापुरमा खेलेपछि त्यतैबाट ओमान प्रस्थान गर्नेछ ।

यसपटक टिममा अनुभवी खेलाडी शरद भेषवाकर, ज्ञानेन्द्र मल्ल, बसन्त रेग्मी रहेका छैनन् । उनको स्थानमा युवा खेलाडीलाई मौका दिइएको छ । जसमा कुशल मल्ल र इशान पाण्डेले पहिलो पटक टिममा स्थान बनाएका छन भने आरिफ शेखले कमब्याक गरेका छन ।

सिंगापुरमा हुने त्रिकोणात्मक शृंखला

असोज १० – नेपाल बिरुद्ध जिम्बाब्वे

असोज ११ – नेपाल बिरुद्ध सिंगापुर

असोज १४ – नेपाल बिरुद्ध जिम्बाब्वे

असोज १५ – नेपाल बिरुद्ध सिंगापुर

ओमानमा आयोजना हुने प्रतियोगिता
असोज १९ – नेपाल बिरुद्ध हंगकंग

असोज २० – नेपाल बिरुद्ध नेदरल्यान्ड्स

असोज २२ – नेपाल बिरुद्ध आयरल्यान्ड

असोज २३ – नेपाल बिरुद्ध ओमन