एजेन्सी। कालो हरिणको शिकार मुद्दामा बलिउड सुपरस्टार सलमान खान आज अदालतमा पेश हुँदैछन्। भारतको जोधपुरमा कालो हरिणको शिकार र अवैध हतियारको मुद्दामा शुक्रबार जोधपुर ग्रामीणको जिल्ला र सेशन न्यायलयमा पेश हुन लागेका हुन्।

खान यसअघि अदालतमा पेश भएका थिएनन् जसका कारण अदालतले उनलाई यो पटक नआए कडा कारबाही गर्ने बताएको थियो। उक्त समयमा खान नआएपछि उनलाई अदालतले आजको मितिमा अदालतमा उपस्थित हुन निर्देशन दिएको थियो।

यहि कारण आज भने सलमान खान अदालतमा पेश हुन सक्ने अनुमान गरिएको छ। तर आजको ठीक एक हप्ता अगाडि सलमान खानलाई सामाजिक संजालमा ज्यान मार्ने धम्की दिइएको थियो।

उनले संचालन गर्दै आएको बिग बोसको १३औं सिजन पनि आगामी आइतबारबाट सुरु हुँदैछ। यस्तोमा खानको यस कार्यक्रमलाई कतिको असर पर्छ त त्यो भने आजको सुनुवाईबाट थाहा हुनेछ।